SERVICIOS 
Asturiano. PROFESORADO
Asturiano. PROFESORADO
Rexistru Xeneral de Capacitación n’Asturianu y en Gallego-Asturianu
El Rexistru Xeneral de Capacitación ye un catálogu nel que s’inscribe al profesoráu que, axuntando les condiciones y requisitos regulaos en Decretu 39/2001, de 5 d'abril (BOPA de 18 d'abril) y la Resolución de 26 d'abril de 2001, modificada pola Resolución de 7 de xunetu del 2010, pola Resolución de 12 d’avientu de 2011 y pola Resolución de 29 de marzu de 2021, de la Conseyería de Educación, pide voluntariamente y con calter gratuitu la so incorporación al mesmu.
El Rexistru organízase en dos secciones:
- Capacitación n’Educación Primaria
- Capacitación n’Educación Secundaria
La inscripción nesti Rexistru Xeneral de Capacitación ye requisitu indispensable pa impartir les enseñances d’Asturianu y de Gallego-Asturianu nos centros educativos d’Enseñanza Primaria y d’Enseñanza Secundaria del Principáu d’Asturies.
Les capacitaciones algamaes al amparu del Decretu 89/1994, de 22 d’avientu, queden incorporaes automáticamente y d’oficiu al presente Rexistru Xeneral de Capacitación.
Consulta la to inclusión nel Rexistru
Esta base de datos contién certificaciones hasta’l 01 de marzu de 2022, polo que les certificaciones posteriores nun tán reflexaes anguaño.
¿Cómo se pide la capacitación?
Presentando en cualquier de los rexistros del Principáu d’Asturies la documentación que darréu s’indica:
- Modelu oficial de solicitú
- Fotocopia compulsada de la titulación académica habilitante pal accesu a places d’educación primaria y/o d’educación secundaria.
- Certificación n’Asturianu:
Acreditación d’una de les víes de formación que vien darréu:
- Cursos d’especialización en Llingua Asturiana (Conveniu MEC-Principáu 1988).
- Cursos de Llingua Asturiana pa Enseñantes (anteriores a 1995).
- Cursos d’Espertu en Filoloxía Asturiana (Universidá d’Uviéu).
- Cursos d’Especialista en Filoloxía Asturiana (Universidá d’Uviéu).
- Master Oficial de Formación del Profesoráu n’Educación Secundaria Obligatoria, Bachilleratu y Formación Profesional pola especialidá d’Asturianu (Universidá d’Uviéu).
- Títulu de Grau, Máster Universitariu en Formación del Profesoráu d’Educación Secundaria Obligatoria, Bachilleratu y Formación Profesional por cualesquier especialidá y mención en Minor n’Asturianu (Universidá d’Uviéu).
Nun van tener que presentar certificación nenguna quien tean en posesión del títulu de Grau de Maestru n’Educación Primaria con mención en Llingua Asturiana.
- Certificación en Gallego-Asturianu:
Acreitación d’una de les víes de formación que vien darréu:
- Cursos de formación del profesoráu en Gallego-Asturianu (Conveniu MEC-Principáu 1988).
- Cursos de formación del profesoráu en Gallego-Asturianu (Resolución de 26 de xunetu de 1994).
- Cursos de Capacitación en Gallego-Asturianu pa la Educación Primaria y pa la Educación Secundaria, Plan Rexonal de Formación en collaboración cola ALLA. Anguaño namás s’imparte esti últimu.
La Dirección Xeneral d’Ordenación Académica, Equidá y Evaluación Educativa va iguar, nel plazu máximu de tres meses, la certificación acreitativa de la capacitación pidida, remitiendo per corréu certificáu la copia de la mesma y mandando la so inscripción nel Rexistru.
Más información
Contactu pa cualesquier dulda o suxerencia:
Serviciu d'Ordenación Académica y Evaluación Educativa.
Plaza d’España Nº 5
33007 Oviedo/Uviéu
Teléfonu: 985 10 86 94
ordenacionacademica@asturias.org