III Certame de Teatru Escolar en Llingua Asturiana/Gallego-asturianu

29/09/2015

.
Asturianu


Por cuenta de la celebración de la XXXVII Selmana de les Lletres Asturianes, la Conseyería d’Educación y Cultura fai esta convocatoria a tolos centros educativos de la rede asturiana qu’imparten Llingua Asturiana/Gallego-Asturianu.

L’oxetivu ye fomentar l’actividá teatral en llingua asturiana y gallego-asturianu como modelu d’espresión y normalizar el so usu nel ámbitu educativu.

Ente toles representaciones recibíes va facese una selección de les que van participar nuna Gala Final nel Teatru la Llaboral de Xixón, el xueves 5 de mayu del 2016, entamada pola Conseyería d’Educación y Cultura del Principáu d’Asturies dientro de la XXXVII Selmana de les Lletres Asturianes.

¿Pa quién?

Esti concursu va dirixíu al alumnáu escolarizao nes etapes d’Educación Primaria y ESO/Bachilleratu de los centros educativos d’Asturies.

Van establecese estes categoríes: Educación Primaria y ESO/Bachilleratu.

Requisitos

Pa poder participar, los centros tienen que cumplir estos requisitos:

  • Cada centru tien que formar un grupu teatral acordies col fin d’esta convocatoria.
  • Cada centru ha tener un profesor/a de referencia d’esti grupu teatral que seya miembru del Claustru.
  • Cada representación ha grabase nun formatu de videu domésticu y ha unviase a la Coordinación d’Enseñances de Llingua Asturiana de la Conseyería d’Educación y Cultura.
  • La representación ha tener una duración máxima de 30 minutos.
  • La llingua vehicular de la representación ha ser l’asturianu o’l gallego-asturianu.

Nel casu de ser escoyíos pa la Gala Final

  • Van poder usase efectos audiovisuales en soportes apurríos pol grupu.
  • El montaxe de la escenografía/material audiovisual nun pue superar los 10 minutos.

La Conseyería d’Educación y Cultura va organizar y financiar los desplazamientos a los centros escoyíos.

Procedimientu y plazos

  • Pa participar, el centru tien que rellenar y unviar a la Conseyería d’Educación y Cultura del Principáu d’Asturies l’Anexu I.
  • El plazu de presentación d’esta solicitú acaba’l vienres 30 d’ochobre del 2015. El centru participante va recibir notificación de la llegada de la so solicitú.
  • El CD col videu grabáu pue llevase a la Coordinación d’Enseñances de Llingua Asturiana de la Conseyería d’Educación y Cultura del Principáu d’Asturies hasta’l xueves 14 d’abril del 2016.

Anexu I. Formulario de solicitud (asturianu) (doc)

Pa más información

Coordinación d’Enseñances de Llingua Asturiana
Conseyería d’Educación y Cultura del Principáu d’Asturies
Plaza d’España, 5. 33007 Uviéu
Tlf. 985 105500. Est. 12322
joseluis.remisgarcia@asturias.org

.

Gallego-Asturianu


Por causa da celebración da XXXVII Semana das Lletras Asturianas, a Conseyeiría d’Educación y Cultura fai esta convocatoria a todos os centros educativos da rede asturiana qu’imparten Llingua Asturiana/Gallego-Asturiano.

El obxetivo é fomentar el actividá teatral en llingua asturiana y gallego-asturiano como modelo d’espresión y normalizar el sou uso nel ámbito educativo.

Entre todas as representacióis recibidas vai ferse úa escoyeta das que van participar núa Gala Final nel Teatro da Llaboral de Xixón, el xoves 7 de mayo del 2016, amañada pola Conseyeiría d’Educación y Cultura del Principao d’Asturias dentro da XXXVII Semana das Lletras Asturianas.

¿Pra quén?

Este concurso vai dirixido al alumnao escolarizao nas etapas d’Educación Primaria y ESO/Bachillerato dos centros educativos d’Asturias.

Van establecerse estas categorías: Educación Primaria y ESO/Bachillerato.

Requisitos

Pra poder participar, os centros tein que cumprir estos requisitos:

  • Cada centro ten que formar un grupo teatral d’acordo col fin d’esta convocatoria.
  • Cada centro ten que ter un profesor/a de referencia d’este grupo teatral que sía nembro del Claustro.
  • Cada representación ten que grabarse nun formato de vídeo doméstico y mandarse á Coordinación d’Enseñanzas de Llingua Asturiana da Conseyeiría d’Educación y Cultura.
  • A representación ten que ter úa duración másima de 30 minutos.
  • A llingua vehicular da representación ten que ser el asturiano ou el gallego-asturiano.

Nel caso de ser escoyidos prá Gala Final

  • Van poder usarse efectos audiovisuales en soportes apurridos pol grupo.
  • El montaxe da escenografía/material audiovisual nun pode pasar dos 10 minutos.

A Conseyeiría d’Educación y Cultura vai organizar y financiar os desprazamentos a os centros escoyidos. 

Procedemento y prazos

  • Pra participar, el centro ten qu’encher y mandar á Conseyeiría d’Educación y Cultura  del Principao d’Asturias el Anexo I.
  • El prazo de presentación d’esta solicitú acaba el venres 30 d’outubre del 2015. El centro participante ha a recibir notificación da chegada da súa solicitú.
  • El CD col vídeo grabao pode llevarse á Coordinación d’Enseñanzas de Llingua Asturiana da Conseyeiría d’Educación y Cultura del Principao d’Asturias hasta el xoves 14 d’abril del 2016.

Anexo I. Formulario de solicitud (gallego-asturiano) (doc)

Pra máis información

Coordinación d’Enseñanzas de Llingua Asturiana
Conseyeiría d’Educación y Cultura del Principao d’Asturias
Praza d’España, 5. 33007 Uviéu
Tlf. 985 105500. Est. 12322
joseluis.remisgarcia@asturias.org

Documentación