Educastur

Dempués de la bona acoyida d’El Club de Llectura n’asturianu y gallego-asturianu, esti cursu va furrular con dalgunos títulos nuevos amás de los que yá había. Esta
iniciativa de la Conseyería d’Educación y Cultura del Principáu d’Asturies ufierta a los escolinos matriculaos en Llingua Asturiana y Lliteratura la posibilidá de lleer y compartir la esperiencia de la llectura de llibros de n’asturianu y gallego-asturianu. Tanto los escolinos de primaria como los de secundaria, van poder participar nel Club de Llectura cola ayuda de la Conseyería que-yos emprestará los llibros pa lleer y poder facer actividaes rellacionaes cola llectura. 

A final de cursu va haber un Alcuentru de participantes nel Club de llectura n’asturianu y gallego-asturianu pa poner en comuña les sos impresiones y trabayos al rodiu de los títulos escoyíos nuna xornada d’intercambiu d’esperiencies protagonizada polos mesmos escolinos. Caún de los centros participantes, representaos por dellos
escolinos, va cuntar la so experiencia y presentar les xeres y propuestes que ficieron col títulu escoyíu.

• Qué ye’l Club de Llectura y cómo solicitar llibros (asturianu) (pdf)
• Qué ye’l Club de Llectura y cómo solicitar llibros (gallego-asturiano) (pdf)
• Anexu I (modelu solicitú llibros n’asturianu) (doc)
• Anexo I (modelo solicitú libros en gallego-asturiano) (doc)
• Descarga equí los títulos ufiertaos (pdf)