Club de Llectura n’asturianu y gallego-asturianu

24/11/2017

Club de llectura


Asturianu

Club de Llectura n’asturianu y gallego-asturianu

El Club de Llectura n’asturianu y gallego-asturianu ye una iniciativa de la Conseyería d’Educación y Cultura del Principáu d’Asturies pa ufiertar a los escolinos matriculaos en Llingua Asturiana y Lliteratura o en Gallego-Asturiano la posibilidá de lleer y compartir la esperiencia de la llectura nestes llingües. Tanto los escolinos de primaria como los de secundaria van poder participar nel Club de Llectura cola ayuda de la Conseyería, que-yos va emprestar los llibros pa lleer y poder facer actividaes rellacionaes cola llectura.  

Caún de los centros, coordinaos pol profesoráu de l’asignatura, pue solicitar exemplares de los títulos ufiertaos pa trabayar nel aula.

A la final del cursu va haber un Alcuentru de participantes nel Club de llectura n’asturianu y gallego-asturianu pa poner en comuña les sos impresiones y trabayos sobre los llibros escoyíos nuna xornada d’intercambéu d’esperiencies protagonizada polos mesmos escolinos. Caún de los centros participantes, representaos por dellos escolinos, va cuntar la so esperiencia y presentar les xeres y propuestes que fixeron col títulu escoyíu.



Gallego-asturiano

Club de Llectura en asturiano y gallego-asturiano

El Club de Llectura en asturiano y gallego-asturiano é úa iniciativa da Conseyeiría d’Educación y Cultura del Principao d’Asturias pra brindar a os escolares matriculaos en Llingua Asturiana y Lliteratura ou en Gallego-Asturiano a posibilidá de ller y compartir a esperiencia da llectura de llibros nesta llinguas. Tanto os escolares de primaria como os de secundaria van poder participar nel Club de Llectura col axuda da Conseyeiría, que yes vai emprestar os llibros pra ller y poder fer actividades relacionadas cua llectura.  

Cada un dos centros, coordinaos pol profesorao del asignatura, pode solicitar exemplares dos títulos ofrecidos pra trabayar nel aula.

Al acabo del curso vai haber un Encontro de participantes nel Club de llectura en asturiano y gallego-asturiano pra poñer d’emparzao as súas impresióis y trabayos sobre os llibros escoyidos núa xornada d’intercambeo d’esperiencias protagonizada polos mesmos escolares. Cada un dos centros participantes, representaos por dalgús escolares, vai cuntar a súa esperiencia y presentar os llabores y propostas que fixeron col título escoyido.