Catálogu del Club de Llectura n´asturianu 2024-2025

Biblia de Danila (Abadía S. Trinidad, Cava dei Tirreni, Italia). Miniatura. Fol 222r. Detalle. Consejería de Cultura, P. Llingüística y Turismo. Relieves (2016).

Documentos disponibles en carpeta 365:

¿Qué ye’l Club de Llectura? Asturianu-Eonaviegu (pdf)

Catálogu 2024-2025 (pdf)

Solicitú de llibros Eonaviego(pdf)

Solicitú de llibros Asturiano (pdf)

Yá ta equí'l catálogu nuevu del Club de Llectura n’asturianu y n’eonaviegu o gallego-asturiano con un fexe de llibros nuevos pa emprestar. Consulta embaxo les reseñes de les obres d'esti añu.

Xá chegóu el catálogo novo del Club de Llectura en asturiano y en eonaviego ou gallego-asturiano con un feixe de novedades pra llevar prestadas. Poñémosche embaxo uas resenas das obras d'este ano.

Novedaes 2025

Contando colos deos (Recomendáu 1er y 2u ciclu de primaria)

Esti llibru trai una docena de cuentinos simpáticos que son la cuenta pa compartir, onde les manes conviértense en marionetes que nos van dexar dar vida a los personaxes (un gallu, un gatu, una bombera, un camellu, una araña, etc.)

James y el piescu xigante (Recomendáu 2u y 3er ciclu primaria)

James, un neñu güérfanu, métese dientro d’un piescu xigante y descubre’l mundu máxicu qu’hai nél: un garrapiellu d’insectos que paecen persones. James embárcase nun viaxe increíble al traviés del Océanu Atlánticu, que pasa a ser la mayor aventura de la so vida.

Los maliayos na Boca de la Ballena (Recomendáu ESO)

Lolín, Carlinos, Nora y Grillu tienen 14 años y son deportistes nel Club Ciclista Los Maliayos. Col so entrenador Cueli van pasar unos díes a un campin de la costa pa preparar la temporada deportiva y disfrutar de la playa y la convivencia. Pero la estraña ausencia de Duardín, ayudante nel campin y mui amigu del entrenador, camuda tolos planes que teníen. Pasu a pasu y de sorpresa en sospresa los rapazos van adientrase en situaciones inesperaes pa descubrir que Duardín cuerre un peligru inminente. ¿Serán quien a esclariar lo socedío y salva-y la vida?

Misteriu nel soterrañu (Recomendáu ESO y Bachiller)

A últimos del sieglu XIX, París ye una ciudá qu’entra na modernidá a tou trapu de la mano de los inventores y inxenieros. El tren soterrañu ye l’avance del momentu, qu’axunta velocidá y guapura nel so diseñu. Sicasí, una serie de muertes ensin esplicación deslluz la inauguración del metro y les autoridaes esmolécense al ver que la xente garra mieu a la que diba ser la enseña nueva de la ciudá. L’inspector Hevia, descendiente d’asturianos, va poner tol so inxeniu pa esclariar esti enigma.

La tráxica hestoria de cómo Abrahán mató la música (Recomendáu Bachiller)

Una adolescente, estudiante de conservatoriu, recibe como regalu de Reis una viola cola qu’espera algamar los sos suaños como instrumentista. Pero, al poco, l’instrumentu empieza a revelar el so pasáu tráxicu, que percuerre cinco sieglos y empieza y acaba en Llangréu. Una historia que nos invita a descubrir la música clásica y el so papel nes vides de quien se dedica a ello. 

Toña y el paxarín da barbía marella (Gallego-asturiano, primaria)

Sábese qu'os paporrubios todo lo escuitan y traen y llevan novas por ei. Pero el qu'un día topóu Toña, úa nena con úa tristura grande dende que el sou bolito se foi, amás de escuitala, vei darye us conseyos ben bonos pra axudala a pechar el furaco que todos os días sinte nel estómago.

Amáis, pra ESO y Bachillerato, el Servicio de Normalización Lingüística d'A Veiga tien tamén exemplares de los llibros Pigureira de palabras esqueicidas, de Carmen Siñeriz, y El xogo sin fin, de Ricardo Saavedra, que poden solicitarse nel correo normalización@vegadeo.es