SERVICIOS 
Campaña de matriculación en Asturiano y Eonaviego 2025. Apúntome
Campaña de matriculación en Asturiano y Eonaviego 2025. Apúntome
Nota de prensa. Educación inicia una nueva campaña para incentivar la matriculación en lengua asturiana y eonaviego (07-04-2025).
APÚNTOME
Conocer les llingües d’Asturies ye un derechu que tienen tolos alumnos y alumnes de los centros del Principáu. Amás, conocer el nuestru patrimoniu llingüísticu tien munches ventayes pal so desenvolvimientu personal y académicu.
Escueyi asturianu nel to centru pal cursu que vien.
¿Qué m’aporta l’estudiu del asturianu? Mira tolo que dicen:
- Trabáyense toles destreces llingüístiques, complementando al estudiu del castellanu y del inglés.
- Los neños y neñes conocen y aprienden a valorar l’entornu natural y social más cercanu, colo que cultiven l’autoestima y la seguridá nellos mesmos.
- L’alumnáu conecta colos saberes de les persones mayores, fomentando’l diálogu cola familia y la vecindá.
- El profesoráu orienta les clases a la comunicación real usando la metodoloxía dixital más actual.
- Nes clases trabáyense actividaes basaes na creación audiovisual, na música, na lliteratura o nel teatru.
- L’alumnáu gana sensibilidá pa cola diversidá cultural y llingüística, colo que se fomenta la empatía, la tolerancia y los valores democráticos.
- Sabiendo asturianu diferencies qué palabres son del castellanu y cuáles del asturianu.
- Presta sentir na escuela y nel insti palabres tal como se dicen en casa y nel mio pueblu. ¡Asina nun cuesta gota aprendelo!
- Ye una clase onde toos y toes participamos.
- Facemos debates, teatru, cantamos, trabayamos con aplicaciones dixitales y lleemos llibros mui prestosos.
- Preparamos actuaciones pa los festivales de la escuela y participamos en concursos de cuentos, de carteles, vídeos, podcasts…
- La clas d’asturianu enseñóme que toles llingües y cultures son importantes y merecen respetu. ¡La nuestra tamién!
Solicitú
¿Ónde?
Na to escuela o institutu.
¿Cuándo?
Al echar la solicitú del cursu que vien, busca ente les optatives Lengua Asturiana y márcala. Repara bien nes feches:
- Primaria: 18 al 25 de xunu
- ESO y Bachilleratu: 30 de xunu al 11 de xunetu
¿Fai falta un mínimu d’alumnáu pa formar grupu?
Non. Si quies, puedes. L’estudiu del asturianu ye voluntariu, pero pa los centros ye obligao ufiertalo. Al ser un derechu reconocíu nel Estatutu d’Autonomía, l’enseñu nun se pue negar en nengún casu.
Si nun lo di n’años anteriores, ¿pueo apuntame pa esti cursu?
Sí, puedes facelo perfectamente. Si disti otra optativa nel cursu anterior, namás a lo primero del cursu, el profesor o profesora va mirar por que teas en condiciones d’aprovechar el cursu. L’asturianu, al ser una llingua ambiental y cercana al castellanu, ye una llingua onde se garra competencia comunicativa mui rápido ¡y seguro que sabes más asturianu de lo que pienses!
Folletu (pdf)
Cartel (pdf)
------------------------------------------------
APÚNTOME
Conocer as llinguas d’Asturias é un dereto que tein todos os alumnos y alumnas dos centros del Principao. Amáis, conocer el noso patrimonio llingüístico ten muitas ventaxas pral desenvolvemento personal y académico del alumnao.
Escoye Gallego-Asturiano/Eonaviego pral curso que vén.
¿Qué m’aporta el estudio del eonaviego ou gallego-asturiano? Mira todo el que dicen:
- Trabáyanse todas as destrezas llingüísticas, complementando el estudio del casteyano y del inglés.
- Os nenos y nenas conocen y aprenden a valorar el entorno natural y social máis achegao, col que cultivan el autoestima y a seguranza nellos mesmos.
- El alumnao conecta cos saberes das personas mayores, fomentando el diálogo cua familia y a vecindá.
- El profesorao orienta as clases á comunicación real usando a metodoloxía dixital máis actual.
- Nas clases trabáyanse actividades basadas na creación audiovisual, na música, na lliteratura ou nel teatro.
- El alumnao sensibilízase cua diversidá cultural y llingüística, col que se fomenta a empatía, a tolerancia y os valores democráticos.
- Sabendo eonaviego diferencias qué palabras son del casteyano y cuáles del gallego-asturiano.
- Presta sentir na escola palabras que se dicen na casa y nel meu llugar. ¡Así nun costa caro aprendello!
- É úa clas unde todos y todas participamos.
- Femos debates, teatro, cantamos trabayamos con aplicacióis dixitales y llemos llibros ben guapos.
- Amañamos actuacióis pra os festivales da escola y participamos en concursos de contos, carteles, de vídeos, podcasts...
- A clas d’eonaviego enseñóume que todas as llinguas y culturas son importantes y merecen respeto. ¡A nosa tamén!
Solicitú
¿Únde?
Na túa escola ou instituto.
¿Cóndo?
Al botar a solicitú del curso que vén, busca Gallego-Asturiano entre as optativas y márcala. Repara ben nas fechas:
- Primaria: 18 al 25 de xunio
- ESO y Bachillerato: 30 de xunio al 11 de xuyín
¿Fai falta un mínimo d’alumnao pr’amañar grupo?
Non. Se ques, podes. El estudio del eonaviego ou gallego-asturiano é voluntario, pro pra os centros é obrigao ofrecello. Al ser un dereto reconocido nel Estatuto d’Autonomía, el enseño nun se pode negar en ningún caso.
Se nun lo din en anos anteriores, ¿podo apuntarme pra este curso?
Si, podes fello perfectamente. Se nun lo diche nel curso anterior, namáis al empezo del curso, el profesor ou profesora vai mirar que teñas en condicióis d’aprovetar el curso. El eonaviego ou gallego-asturiano, al ser úa llingua ambiental y achegada al casteyano, é úa llingua unde se coye competencia comunicativa ben axina ¡y seguro que sabes máis d’él del que pensas!
Folleto (pdf)
Cartel (pdf)