Campaña de Matriculación en Llingua y Lliteratura Asturiana y en Gallego-Asturianu/eonaviegu 2024-2025

Ye nuestra, ye pa ti

Escueye Llingua asturiana pal cursu que vien

¿Ónde puedo matriculame?

Na to escuela o institutu.

¿Cuándo?

Al echar la solicitú del cursu que vien, busca Lengua Asturiana y márcala. Repara bien nes feches:

Primaria: 19 a 26 de xunu

ESO y Bachilleratu: 1 a 12 de xunetu

¿Fai falta un mínimu d’alumnáu pa formar grupu?

Non. Si quieres, puedes. L’estudiu del asturianu ye voluntariu pero pa los centros ye obligao ufiertalo. Al ser un derechu reconocíu nel Estatutu d’Autonomía, l’enseñu nun se pue negar en nengún casu.

Si nun lo di n’años anteriores, ¿pueo apuntame pa esti cursu?

Sí, puedes facelo perfectamente. A lo primero del cursu, el profesor o profesora va mirar por que teas en condiciones d’aprovechar el cursu. L’asturianu, al ser una llingua ambiental y cercana al castellán, ye una llingua onde se garra competencia comunicativa mui rápido ¡y seguro que sabes más asturianu de lo que pienses!

É nosa, é pra ti. 

Escoye Gallego-Asturiano/Eonaviego pral curso que vén.  

¿Únde podo matricularme?

Na túa escola ou instituto.

¿Cóndo?

Al botar a solicitú del curso que vén, busca Gallego-Asturiano y márcalo. Repara ben nas fechas:

Primaria: 19 a 26 de xunio

ESO y Bachillerato: 1 a 12 de xuyín

¿Fai falta un mínimo d’alumnao pr’amañar grupo?

Non. Se ques, podes. El estudio del eonaviego ou gallego-asturiano é voluntario, pro pra os centros é obrigao ofrecello. Al ser un dereto reconocido nel Estatuto d’Autonomía, el enseño nun se pode negar en ningún caso.

Se nun lo din en anos anteriores, ¿podo apuntarme pra este curso?

Sí, podes fello perfectamente. Al empezo del curso, el profesor ou profesora vai mirar que teñas en condicióis d’aprovetar el curso. El eonaviego ou gallego-asturiano, al ser úa llingua ambiental y achegada al casteyano, é úa llingua unde se coye competencia comunicativa ben axina ¡y seguro que sabes más d’ella del que pensas!