40 Selmana de les lletres asturianes

12/04/2019

logo asturiano

40 SELMANA DE LES LLETRES ASTURIANES

Entama la 40.ª edición de la Selmana de les Lletres Asturianes, que va tar dedicada a la música

Del 26 d’abril al 9 de mayu les actividaes de la 40.ª edición de la Selmana de les Lletres Asturianes van tar dedicaes a la música n’asturianu y gallego-asturianu. Col lema “40 años al son de la nuestra música” y un programa d’actividaes bien completu, la Conseyería d’Educación y Cultura quier homenaxar la música como elementu fundamental d’espardimientu de la llingua.

Esti añu, celébrase pela primer vez el premiu musical escolar “El Mio Cantar”, cola actuación en directo de grupos que punxeron música a les canciones de los escolinos y escolines ganadores del concursu. Esta 40 Selmana de les Lletres Asturianes vamos poder averanos a lo meyor de la música asturiana.

Más d’una ventena d’actividaes incorporáronse al programa diseñáu pa la ocasión: talleres, gales musicales, conciertos, presentaciones de llibros, llectures públiques, certámenes lliterarios, Feria del Llibru y Discu, alcuentros escolares, entregues de premios, conciertos, representaciones teatrales... Too con munchu ritmu.

Equí pues descargar el programa.

logo gallego

40 SEMANA DAS LLETRAS ASTURIANAS

Empeza a 40.ª edición da Semana das Lletras Asturianas, que vai tar dedicada á música

Del 26 d’abril al 9 de mayo as actividades da 40.ª edición da Semana das Lletras Asturianas van tar dedicadas á música en asturiano y gallego-asturiano. Col lema “40 anos al son da nosa música” y un programa d’actividaes ben completo, a Conseyeiría d’Educación y Cultura quer homenaxar a música como elemento fundamental de difusión da llingua.

Este ano, celébrase a primeira vez el premio musical escolar “El Mio Cantar”, col actuación en directo de grupos que puxeron música ás cántigas das y dos escolares ganadores del concurso. Esta 40 Semana das Lletras Asturianas imos a poder achegarnos a lo miyor da música asturiana.

Máis d’úa ventena d’actividades incorporáronse al programa diseñao pral ocasión: talleres, galas musicales, concertos, presentacióis de llibros, llecturas públicas, certames lliterarios, Feria del Llibro y Disco, encontros escolares, entregas de premios, concertos, representacióis teatrales... Todo con muito ritmo.

Aquí podes descargar el programa.