Educastur

El Rexistru Xeneral de Capacitación ye un catálogu nel que s’inscribe al profesoráu que, axuntando les condiciones y requisitos regulaos nel Decretu 39/2001, de 5 d'abril (BOPA de 18 d'abril) y la Resolución de 26 d'abril de 2001, pide voluntariamente y con calter gratuitu la so incorporación al mesmu.

El Rexistru organízase en dos secciones: Capacitación n’Educación Primaria y Capacitación n’Educación Secundaria.

La inscripción nesti Rexistru Xeneral de Capacitación sedrá requisitu indispensable pa impartir les enseñances de bable/asturianu y de gallego-asturianu nos centros educativos d’Enseñanza Primaria y Enseñanza Secundaria del Principáu d’Asturies.

Les capacitaciones algamaes al amparu del Decretu 89/1994, de 22 d’avientu, queden incorporaes automáticamente y d’oficiu al presente Rexistru Xeneral de Capacitación.

Consulta so la inclusión nel Rexistru >

¿Cómo se pide la Capacitación?

Presentando en cualisquier de los rexistros del Principáu d’Asturies la documentación que ta darréu:

• Modelu oficial de solicitú
• Fotocopia compulsada del DNI y de la titulación académica desixida pa la inscripción na Sección d’Educación Primaria y/o na Sección d’Educación Secundaria: Diplomatura o Llicenciatura.
• Certificación en bable/asturianu. Acreditación de cursos específicos: Cursos d’especialización en Llingua Asturiana (Conveniu MEC-Principáu 1988), Cursos de Llingua Asturiana pa Enseñantes (A.L.L.A.), Cursos d’ Espertu en Filoloxía Asturiana (Universidá d’Uviéu), Cursos d’Especialista en Filoloxía Asturiana (Universidá d’Uviéu)
• Certificación en gallego-asturianu. Acreditación de cursos específicos: Cursos de formación del profesoráu en gallego-asturianu (Conveniu MEC-Principáu 1988), Cursos de formación del profesoráu en gallego-asturianu (Resolución de 26 de xunetu de 1994), Cursos de Capacitación en gallego-asturianu pa la Educación Primaria y pa la Educación Secundaria, Plan Rexonal de Formación en collaboración cola A.L.L.A.

La Direición Xeneral d’Ordenación Académica y Formación Profesional iguará, nel plazu másimu de tres meses, la certificación acreditativa de la capacitación pidida, remitiendo per corréu certificáu la copia de la mesma y mandando la so inscripción nel Rexistru.

Información

Pa cualisquier dulda o suxerencia puen empobinase a:

Serviciu d’Ordenación Académica
Plaza España, 5 - 4º Planta
33007 Oviedo
Teléfono: 985.10.86.89
Corréu ellectrónicu: